Thane Crime: ॲट्रॉसिटीच्या गुन्ह्यातून विक्रांत चव्हाण यांची मुक्तता

Thane Crime: काँग्रेसचे ठाणे जिल्हाध्यक्ष व माजी नगरसेवक ॲड. विक्रांत चव्हाण यांनी फेब्रुवारी २०१३ रोजीच्या एका प्रकरणात कोणत्याही प्रकारची जातीवाचक शिवीगाळ केलीली नसतानाही केवळ राजकीय दबावापोटी वर्तकनगर पोलिसांनी त्यांच्याविरुद्ध ॲट्रॉसिटीचा खोटा गुन्हा दाखल केला होता.

पोलिसांनी याप्रकरणी तपास पूर्ण केल्यानंतर चव्हाण यांच्याविरुद्ध सत्र न्यायालयात खटला भरला. चव्हाण यांनी सत्र न्यायालयात आरोपमुक्तीसाठी केलेला अर्ज फेटाळण्यात आल्यानंतर त्यांनी त्याला आव्हान देणारी याचिका उच्च न्यायालयात दाखल केली होती. या खटल्यात त्यांची निर्दोष मुक्तता करण्यात आली आहे.

याबाबत विक्रांत चव्हाण यांच्याशी संपर्क साधला असता त्यांनी सांगितले की, विरोधकांनी मला त्रास द्यायचाच असे ठरवले होते, परंतु न्यायदेवतेवर आमचा विश्वास होता. तब्बल १० वर्षे मी ही लढाई लढलो. सत्य परेशान हो सकता है, पराजित नही, अशी प्रतिक्रिया त्यांनी या वेळी दिली.