Thane Fire News: रेतीबंदर घाटाजवळ कंटेनर कॅबिनला आग

Kalva News: कळव्यातील पारसिक रेतीबंदर घाटाजवळ कंटेनरकॅबीन लागलेल्या आगीत 6 बकऱ्यांचा मृत्यू झाल्याची घटना गुरुवार(ता 9)ला मध्यरात्री दोनच्या सुमारास घडली.या आगीत 5 किलो ग्रॅम वजनाचा सिलेंडरगॅस लाकडी फळ्या जळून नुकसान झाले आहे.

 कळव्यातील पारसिक रेतीबंदर घाटाजवळ अन्वरभाई कच्छी नावाच्या इसमाने कंटेनर कॅबीनमध्ये बकऱ्या पाळल्या होत्या.ह्या बकऱ्यांची देखभाल करण्याचे काम निर्मल महतो हा व्यक्ती करत होता.

तो त्या कंटेनर कॅबीन मध्येच झोपत होता गुरुवारी बकऱ्यांची देखभाल केल्यावर तो झोपी गेला .रात्री दोनच्या सुमारास अचानक केबिनला आग लागली.व प्रचंड आगीचा भडका उडाल्याने आपल्या बचावासाठी तो बाहेर पडला परंतु केबिनच्या आतमध्ये पाळलेल्या 6 बकऱ्या व केबिन मध्ये असलेले 3 कमर्शियल सिलेंडर स्वयंपाकासाठी वापरण्यात येणारा 5 किलो ग्रॅम वजनाचा छोटा सिलेंडर व लाकडी फळ्या जळून खाक झाल्याआगीचे वृत्त समजताच अग्निशमन दलाचे जवान,कळवा पोलीस व आपत्ती व्यवस्थापन कक्षाच्या कर्मचाऱ्यांनी घटनास्थळी धाव घेऊन आगीवर नियंत्रण मिळवले.

ही आग सिलेंडरचा स्फोट होऊन लागली असावी असा अंदाज प्रथमदर्शी उपस्थित असलेल्या या परिसरातील नागरिकांनी व्यक्त केला आहे.या संदर्भात कळवा पोलीस अधिक तपास करीत आहेत.