Thane Police: आयपीएस अधिकारी आशुतोष डुंबरे ठाणे शहराचे नवीन पोलीस आयुक्त

आयपीएस अधिकारी आशुतोष डुंबरे यांची ठाणे शहर पोलिस आयुक्त पदी वर्णी लागली आहे.आशुतोष डुंबरे राज्याच्या गुप्त वार्ता विभागात कार्यरत आहेत. डुंबरे यांच्या सोबत सध्याचे ठाण्याचे पोलिस आयुक्त जयजित सिंह यांची राज्याच्या गुप्त वार्ता विभागात महासंचालक पदी बदली करण्यात आली आहे. राज्यातील 2 वरिष्ठ वरिष्ठ पोलीस अधिकाऱ्यांच्या बदलीचे आदेश सोमवारी गृह विभागाने जारी केली.

आशुतोष के डुंबरे 1994 बॅचचे महाराष्ट्र कॅडरचे आयपीएस अधिकारी असून त्यांची ठाणे शहर पोलीस आयुक्त म्हणून नियुक्ती करण्यात आली आहे,ठाण्याचे पोलीस आयुक्त जयजीत सिंग यांचा दोन वर्षांचा कालावधी पूर्ण झाला असून त्यांना बढती मिळाली आहे. त्यामुळे ठाण्यालाही नवीन आयुक्त मिळाला आहे. ठाण्याच्या नवीन आयुक्तपदासाठी अमिताभ गुप्ता, प्रशांत बुरडे, आशुतोष डुंबरे व निकेत कौशिक आदींची नावे चर्चेत होती. परंतु अखेर आशुतोष डुंबरे यांची वर्णी लागली.

बदली आदेशाची प्रत संबंधीत पोलीस अधिकारी यांना तात्काळ बजावून त्यांना तात्काळ कार्यमुक्त करावे असे आदेश गृह विभागाने दिले आहे.न्यायालय अथवा महाराष्ट्र प्रशासकीय न्यायाधिकरण यांचे आदेशाचा भंग होणार नाही याची पोलीस निरीक्षकांनी दक्षता घ्यावी असे आदेशात नमूद केले आहे. बदली आदेशानंतर जे पोलीस अधिकारी गैरहजर राहतील त्यांना स्थित कार्यमुक्त करण्यात यावे, व त्यांना कार्यमुक्त केल्याचा आदेश त्यांच्या निवासस्थानी बजावावा असे आदेशात म्हटले आहे.