Latest Thane News: पाच वर्षांतून एकदा खेळल्या जाणाऱ्या विधानसभा निवडणूक सामन्याच्या मतदानाला अवघे १० दिवस राहिले आहेत. त्यामुळे सामनाही रंगात आला आहे. या वेळी ठाणे जिल्ह्यातील १८ विधानसभांच्या पिचवर मातब्बर जुने, अनुभवी खेळाडू उतरले आहेत. एक विद्यमान सातव्यांदा, तर एका ‘मुख्य’ खेळाडूसह तीन जण पाचव्यांदा निवडणुकीला सामोरे जात आहेत.
दुसरीकडे चार उमेदवार विजयाचा चौकार लावण्यासाठी मैदानात उतरले आहेत. चार उमेदवार हॅट्ट्रिकच्या उंबरठ्यावर आहेत; मात्र या जुन्या खेळाडूंना ‘आऊट’ करण्यासाठी पहिल्यांदाच पिचवर उतरलेले चेहरे आव्हान देत आहेत. यात कोण बाजी मारणार, हे निवडणूक निकालानंतरच स्पष्ट होईल.