मोखाडा : दिवाळी सणाची धामधूम सुरु झाली आहे. शहरातील दानशुर व्यक्ती अथवा सामाजिक संस्था सामाजिक बांधिलकी जपत, मोखाड्यातील आदिवासींची दिवाळी गोड करतात. खोडाळ्यातील मोहिते महाविद्यालय त्यासाठी पुढाकार घेत असते. मुंबई येथील श्रीनिवास सावरगावकर यांच्या मार्गदर्शनाखाली नुलकर आणि परिवार सहविचारी सहकाऱ्यांच्या माध्यमातून, मोहिते महाविद्यालयाच्या राष्ट्रीय सेवा योजनेच्या दत्तक गाव कोचाळे येथे आदिवासी बांधवांना, मिठाई, कपडे आणि शैक्षणिक साहित्य वाटप करून येथील आदिवासींची दिवाळी गोड केली आहे.