नागोठणे ग्रामपंचायतीवर 'रुग्णवाहिका चालकाच्या' हस्ते ध्वजारोहण

पाली : अमृत महोत्सवी स्वातंत्र्यदिनी (Independence) रोहा तालुक्यातील नागोठणे (Nagothane) ग्रामपंचायतीचे कर्मचारी (Employee) रुग्णवाहिका चालक(Ambulance Driever राजा नारायण नागे (Narayan Nage) यांच्या हस्ते ध्वजारोहण (Flag Hosting) करण्यात आले. नागोठण्याचे सरपंच डॉ. मिलिंद बाबुराव धात्रक यांच्यामुळे नागोठण्याच्या इतिहासात (History) प्रथमच हा मान एका रुग्णवाहिका चालकास मिळाला आहे.

राजा नागे यांनी सरपंच डॉ. मिलिंद धात्रक यांच्या मार्गदर्शनाखाली सतत दीड वर्षे दिवस-रात्र आपल्या जीवाची व कुटुंबाची परवा न करता लोकसेवेसाठी स्वतःला वाहून दिले. या कामाची पोहच पावती म्हणून फक्त शाल व श्रीफळ देऊन त्यांचा सन्मान न करता आपल्या बरोबरीने ध्वजारोहण करण्याचा मान डॉ. धात्रक यांनी दिला.

यावेळी रा. जि. प. सदस्य किशोर जैन, उपसरपंच मोहन नागोठणेकर, ग्रा. पं. सदस्य सुरेश जैन, ज्ञानेश्वर साळुंखे, अखलाक पानसरे, अतुल काळे, सुप्रिया महाडिक, रंजना राऊत, मीनाक्षी गोरे, भक्ती जाधव, कल्पना टेमकर, रुपाली कांबळे, दिलनवाज अधिकारी, रोझीना बागवान, मेघा कोळी, माधवी महाडिक, ग्रामविकास अधिकारी मोहन दिवेकर तसेच माजी सरपंच, उपसरपंच, सदस्य सर्व ग्रामस्थ व ग्रामपंचायत कर्मचारी उपस्थित होते.