Raj Thackeray Dasara Melava 2024: पुढच्या महिन्यापर्यंतच पैसे येतील, नंतर येणार नाहीत"; 'लाडकी बहीण'बाबत राज ठाकरेंचा खळबळजनक दावा

Raj Thackeray Dasara Melava 2024 details:

महाराष्ट्र नवनिर्माण सेनेचे अध्यक्ष राज ठाकरे यांनी दसऱ्यानिमित्त आज कार्यकर्त्यांचा मेळावा आयोजीत केला होता. या मेळव्यात राज ठाकरे यांनी खळबळजनक दावा करत पुढील काही महिन्यांमध्ये लाडकी बहीण योजनेचे पैसे येणे बंद होणार असल्याचे म्हटले आहे.

दरम्यान राज ठाकरे यांनी या मेळव्यात विधानसभा निवडणूक, लाडकी बहीण योजना, मराठा आरक्षण आणि छत्रपती शिवाजी महाराज या विषयावर भाष्य केले.

यावेळी राज ठाकरे म्हणाले, लाडकी बहण योजनेद्वारे पैसे वाटत आहेत. कोणी मागितले पैसे? हे पैसे पुढच्या महिन्यापर्यंत येतील मग पुढे नाहीत येणार. कारण पुढील काही दिवसांमध्ये महाराष्ट्र सरकारकडे कर्मचाऱ्यांचे पगार द्यायला पैसे नसतील. हे असे पैशे वाटण्यापेक्षा महिलांना सक्षम बनवा त्यांना काम द्या, त्यांना पैसे कमवू द्या, फुकट कसले पैसे देतात? बेरोजगारांना पैसे, शेतकऱ्यांना फुकट वीज हे काय सुरू आहे. शेतकरी म्हणतो की, थोडे पैसे कमी घ्या पण वीज तर द्या. नीट पहा काय चालू आहे."