डोंबिवली : डोंबिवलीत भर रस्त्यात कामावरून घरी परतणाऱ्या तरुणीशी लगट करण्याचा प्रयत्न करत तिची छेड काढल्याची घटना डोंबिवलीत गुरुवारी रात्री घडली आहे. छेड काढणाऱ्या तरुणाला स्थानिक तरुणांनी चांगलाच चोप दिला असून त्याला मानपाडा पोलिसांच्या ताब्यात देण्यात आले आहे. प्रीतम गायकवाड असे या तरुणाचे नाव असून तो सेवानिवृत्त पोलीस अधिकाऱ्याचा मुलगा असल्याची माहिती पोलिसांनी दिली.
डोंबिवली आजदेपाडा परिसरात राहणारी एक महिला गुरुवारी रात्रीच्या सुमारास कामावरून घरी परतत होती. एक तरुण तिचा पाठलाग करत होता. अंधाराचा फायदा घेत या तरुणाने महिलेचा गळा पकडत तिच्याशी लगट करण्याचा प्रयत्न केला. महिलेने प्रतिकार करत आरडा ओरड सुरू केला.
आरडा ओरड एकूण स्थानिक तरुणांनी धाव घेतली. स्थानिक येत असल्याचे समजताच तरुणाने पळ काढला. मात्र तरुणांनी त्याचा पाठलाग करत त्याला पकडून चांगलाच चोप दिला. त्यानंतर या घटनेची माहिती मानपाडा पोलिसांना देत या तरुणाला पोलिसांच्या ताब्यात दिले. प्रीतम गायकवाड असे या तरुणाचे नाव असून मानपाडा पोलिसांनी प्रीतमला ताब्यात घेत पुढील तपास सुरू केला आहे.
पोलिसांनी दिलेल्या माहितीनुसार प्रीतम गायकवाड हा सेवानिवृत्त पोलीस अधिकाऱ्याचा मुलगा असून तो अंधेरी मरोळ येथे राहणारा आहे. तो गुरुवारी रात्री डोंबिवलीत त्याच्या नातेवाईकाकडे आला होता.
सदर महिलेने पोलिसांना दिलेल्या तक्रारीत म्हटले आहे की, रात्री अकरा वाजता माऊली बंगला येथून घरी पायी जात असतांना प्रितम गायकवाड हा जवळ आला आणि त्याने तोंडाला पकडून लगट करून मानेवर नखाने ओरखडून स्त्री मनाला लज्जा उत्पन्न होईल असे कृत्य करून जबरदस्ती करण्याचा प्रयत्न केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
