Video Viral : विठूरायापुढे हात जोडले अन् हळूच मुकुट चोरला.. CCTV मध्ये दिसला चोर, काही तासातच झाला जेरबंद

Mumbai Crime: मुंबईच्या बोरिवली भागातून एक महत्वाची बातमी समोर आली आहे. ती म्हणजे विठ्ठल रखुमाई मंदिरात चोरी करणाऱ्या प्रकाशसिंग वर्मा(२६) या तरुणाला कस्तुरबा मार्ग पोलिसांनी सीसीटिव्हीच्या चित्रणाआधारे दिवशी अटक केली आहे.

पोलिसांनी दिलेल्या माहितीनुसार, १० जुलैला वर्माने विठ्ठल - रखुमाईच्या मुर्तींवरील धातूचे मुगुट आणि चांदीचे छत्र चोरले. थोड्या वेळाने ही बातमी सगळीकडे पसरली. लगेचच पोलिसांनी घटनास्थळी धाव घेत कारवाईला सुरुवात केली. सीसीटिव्ही चित्रणात हा प्रसंग कैद झाला होता.

त्याआधारे भोईसर येथून आरोपी वर्मा याला अटक करण्यात आली. त्यांच्याकडून चोरी झालेले मुकूट आणि चांदीचे छत्र हस्तगत करण्यात आले.