कोयना प्रकल्प ग्रस्त नागरिकां साठी वसलेल्या भिवंडी तालुक्यातील म्हाळुंगे या ठिकाणी असलेल्या ग्रामदेवता गावडाई झोलाई देवीच्या मंदिरात 7 तारखेला पहाटे दोनच्या सुमारास अज्ञात व्यक्तीने मंदिरातील तीन दानपेट्या फोडून अंदाजे पन्नास हजार रुपयेच्या वर रक्कम चोरी केल्याची घटना घडली आहे.
भिवंडी तालुक्यातील तीर्थक्षेत्र वज्रेश्वरी गावा नजिक कोयना प्रकल्पग्रस्त नागरिकांसाठी वसलेल्या म्हाळुंगे या गावात सर्व ग्रामस्थांनी मिळून ग्रामदेवता गावडाई झोलाई ग्रामदेवता देवीचे भव्य असे मंदीर काही वर्षांपूर्वी उभारले आहे.व या ठिकाणी मोठ्या भक्ती भावाने गावातील उत्सव, धार्मिक कार्यक्रम, पूजा अर्चा, रूढी परपरा नुसार सुरु असतात. नुकतेच या ठिकाणी काही महिन्या पूर्वी दोन क्रीडा महोत्सव, व धार्मिक कार्यक्रम चे आयोजन कोयना प्रकल्प ग्रस्त नागरिकां साठी ठेवण्यात आले होते, यावेळी परगावाहून मोठ्या संख्येने ग्रामस्थांनी व भाविकांनी हजेरी लावली होती.
सदर ग्रामदैवत असलेल्या मंदिरातील दानपेटीत दान स्वरूपात पैसे टाकले होते, मात्र अद्याप पर्यंत गावडाई झोलाई देवालंय न्यास चे विश्वस्तानी दान पेट्या फोडल्या नव्हत्या. अशी माहिती संस्थेचे अध्यक्ष सुरेश मोरे यानी दिली.
आज सकाळी या मंदीराचे चे पुजारी नेहमी प्रमाणे पूजा अर्चा करण्यासाठी गेले असता कुणीतरी मंदिरातील दांनपेट्या फोडून इतत्र पडलेल्या दिसल्या व चोरी झाल्याचे लक्षात आले. या प्रकरणी गणेशपुरी पोलीस ठाण्यात तक्रार दाखल करण्यात आली असून तातडीने येथील सहायक पोलीस निरीक्षक धर्मराज सोनके यांनी घटना स्थळी धाव घेऊन पंचनामा करून पुढील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
