Accident News: मुंबई-अहमदाबाद महामार्गावर भीषण अपघातात तिघांचा जागीच मृत्यू, तर २ जण जखमी

गेल्या काही दिवसांमध्ये अपघातांमध्ये मोठी वाढ झाली आहे. अशातच मुंबई-अहमदाबाद महामार्गावर कार आणि ट्रकमध्ये भीषण अपघाताची घटना घडली आहे. या भीषण अपघातामध्ये तीन जणांचा जागीच मृत्यू झाला आहेत. तर दोन जण गंभीर जखमी झाले आहेत.

वसई सतीवली बजरंग हॉटेलसमोर हा अपघात झाला आहे. मुंबईहून गुजरातच्या दिशेने जात असताना कार चालकाचा कारवरील ताबा सुटला आणि त्यानंतर कार डिव्हायडर क्रॉस करून विरुद्ध दिशेने येत असलेल्या ट्रकवर धडकली. या भीषण अपघातामध्ये तीन जणांचा जागीच मृत्यू झाला आहेत. तर दोन जण गंभीर जखमी झाले आहेत.

मिळालेल्या माहितीनुसार या भीषण अपघातात चालकासह दोन प्रवाशांचा जागीच मृत्यू झाला आहे. घटनास्थळी वसई पोलीस दाखल झाले असून जखमींना जवळच्या रुग्णालयात उपचारासाठी दाखल करण्यात आले आहे. ही धडक इतकी जोरदार होती की कारचे मोठे नुकसान झाले आहे.