मुंबई : तिन्ही रेल्वे मार्गिकेवर आज मेगाब्लॉक, जाणून घ्या सविस्तर माहिती

मुंबई - मध्य, हार्बर मार्गावरील रेल्वे रूळ, ओव्हरहेड वायर, सिग्नल यंत्रणा यांची देखभाल व दुरुस्ती करण्यासाठी रविवारी ब्लॉक घेण्यात येणार आहे. ब्लॉकचा कालावधीत सकाळी १० ते दुपारी ४.३० वाजेपर्यंत असेल. हार्बर मार्गावरील प्रवाशांना मुख्य आणि ट्रान्स हार्बर मार्गावरून प्रवास करण्याची परवानगी देण्यात आली आहे.

मेगाब्लॉकची स्थिती

कुठे : ठाणे ते कल्याण अप आणि डाऊन जलद मार्गावर

कधी : सकाळी ९ ते सायंकाळी ५ वाजेपर्यंत

परिणाम : मध्य रेल्वेवरील अप आणि डाऊन जलद मार्गावरील लोकल ठाणे ते कल्याण दरम्यान धिम्या मार्गावर वळवणार.

कुठे : कुर्ला ते वाशी अप आणि डाऊन मार्गावर

कधी : सकाळी ११.१० ते सायंकाळी ४.१० वाजेपर्यंत

परिणाम : हार्बर मार्गावरील सीएसएमटी ते वाशी/बेलापूर/पनवेल अप आणि डाऊन लोकल सेवा रद्द. तर सीएसएमटी ते कुर्ला आणि पनवेल ते वाशी यादरम्यान विशेष लोकल.

कुठे : सांताक्रूझ ते गोरेगाव अप आणि डाऊन धिम्या मार्गावर

कधी : सकाळी १० ते दुपारी ३ वाजेपर्यंत.

परिणाम : सांताक्रूझ ते गोरेगाव अप आणि डाऊन धिम्या मार्गावरील लोकल जलद मार्गावर वळवण्यात येतील. विलेपार्ले येथे फलाट क्रमांक ५/६ अरुंद असल्याने हॉल्ट देण्यात येईल; तर राम मंदिर स्थानकाला जलद मार्गाचे फलाट नसल्याने दोन्ही दिशेकडील लोकल थांबणार नाही. ब्लॉकमुळे काही लोकल सेवा रद्द करण्यात येतील.