नवी मुंबई : कोपरखैरणे, सेक्‍टर १९ मध्ये अज्ञाताने टिपू रफिक शेख (३८) याची गळा चिरून हत्या केल्याची घटना घडली होती. पोलिसांनी या घटनेचा तपास करत एका महिलेसह तिघांना अटक केली आहे.
या प्रकरणी सुनीता गुप्ता (४०, रा. कोपरखैरणे, सेक्‍टर १९), साजन ऊर्फ मोहम्मद तुजमल (४०) आणि प्रकाश डाकवा (४०) या तिघांना अटक केली आहे. सुनीतानेही हत्या घडवून आणल्याचे तपासात पुढे आले आहे. आरोपींना न्यायालयात हजर केले असता त्यांना ३ जानेवारीपर्यंत पोलिस कोठडी सुनावली आहे.
ही बातमी वाचा ः मोलकरणीशी शारीरिक लगट करायला गेला पण....
या घटनेतील मृत टिपू रफीक शेख हा फिरस्ता असून तो कोपरखैरणे भागात मागील अनेक वर्षांपासून मिळेल, त्या ठिकाणी राहून गुजराण करत होता. टिपू शेख हा सुनीता गुप्ता राहत असलेल्या चाळीत नेहमी जाऊन तिला घाणेरड्या भाषेत शिवीगाळ करत होता. त्यामुळे तिने टिपूचा कायमचा काटा काढण्याचा निर्णय घेऊन आपल्या ओळखीतील साजन तुजमल व प्रकाश डाकवा यांना टिपूला कायमचे संपविण्यास सांगितले होते. त्यानुसार गुरुवारी मध्यरात्री साजनने टिपूला आपल्या घरामध्ये आणल्यानंतर साजन आणि प्रकाश या दोघांनी त्याची गळा चिरून
हत्या केली.
मृतदेह फरपटत आणून फेकला
शुक्रवारी सकाळी सदर घटना उघडकीस आल्यानंतर कोपरखैरणे पोलिसांनी घटनास्थळी धाव घेऊन टिपूचा मृतदेह ताब्यात घेतला. या वेळी पोलिसांनी केलेल्या प्राथमिक तपासात टिपूचा मृतदेह हा आरोपी साजनच्या घरातून चादरीत बांधून फरफटत म्युझिकल बंॅन्डच्या व्हरांड्यात टाकला.त्यामुळे पोलिसांनी साजनला ताब्यात घेऊन त्याची चौकशी केल्यानंतर त्याने प्रकाशच्या मदतीने हत्या केल्याची कबुली दिली. त्यानुसार शनिवारी साजन आणि प्रकाश या दोघांना अटक करण्यात आली. त्यानंतर सुनीताला अटक करण्यात आल्याची माहिती सहायक पोलिस निरीक्षक महेंद्र वाघ यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.