Tushar Gandhi : संविधान बदलण्याची तयारी सुरू तुषार गांधी यांनी व्यक्त केली चिंता

मुंबई - या देशातील सामान्य माणसाला गुलाम केले आहेच. आता संविधान बदलण्याचे काम सुरू आहे. लोकशाही धोक्यात आली आहे याबद्दल महात्मा गांधी यांचे पणतू तुषार गांधी यांनी चिंता व्यक्त केली. मतदारांनी गांभीर्याने विचार करावा,असे आवाहनही त्यांनी केले आहे. "आम्ही भारतीय" या संघटनेने महाविकास आङाडीला पाठिंबा दिला आहे.

आझाद मैदान येथील मुंबई मराठी पत्रकार संघ येथे अनेक सामाजिक संस्थांच्या कार्यकर्त्यांनी " आम्ही भारतीय " या संघटनेच्या वतीने आयोजित पत्रकार परिषदेत तुषार गांधी बोलत होते. सामाजिक कार्यकर्त्या तिस्ता सेटलवाड, साहित्यिक अर्जून डांगळे, रिपाई नेते शाम दादा गायकवाड, फिरोज मिठीबोरवाला, इरफान इंजिनिअर, डोल्फी डिसुझा, शरद कदम आदी यावेळी उपस्थित होते.

डॉ. आंबेडकर यांनी लिहलेल्या संविधानाची मोडतोड करण्याचे काम २०१४ पासून सुरू झाले तर २०१९ पासून हे भारतीय संविधान उ‌द्ध्वस्त करण्याच्या कामाला वेग आलेला आहे. राक्षसी बहुमत त्यासाठी त्यांना हवे आहे. भाजपाचे काही नेते उघडपणे संविधान बदलण्याची भाषा बोलत आहेत, असे तुषार गांधी म्हणाले.

लोकशाहीच्या रक्षणासाठी बनविण्यात आलेल्या अधिकतर संस्था कमजोर केल्या जात आहेत म्हणून २०२४ ची निवडणूक ही संविधान आणि लोकशाही तसेच लोकशाही मधील अधिकार वाचवण्याची निवडणूक आहे. या देशात लोकशाही राहणार की हुकूमशाही राजवट येणार याचा फैसला या निवडणुकीत होणार आहे, असे जेय्ष्ठ सामाजिक कार्यकर्त्या तिस्टा सटेलवाड म्हणाल्या.

धर्माधता, जातीयता आणि प्रांतवादावर या निवडणूकीत भर दिला जात आहे. मुंबईत मराठी माणसाने नोकरी साठी अर्ज करू नये अशी जाहिरात असेल किंवा आमच्या सोसायटीत मराठी माणसाने घर घेऊ नये किंवा प्रचाराला येऊ नये असा भाषिकवाद जोपासला जात आहे.असे शामदादा गायकवाड म्हणाले.

आघाडीला पाठिंबा जाहिर

पेत्या 20 तारखेला मुंबईत आणि राज्यातीत काही ठिकाणी निवडणूक आहे. लोकशाही आणि संविधान वाचवण्यासाठी मतदान करण्याचे आवाहन आम्ही भारतीय च्या वतीने करण्यात आले आहे. महाविकास आघाडीला पाठिंबा दिला आहे.