वसई-विरारमधील अनधिकृत बांधकामांवर कारवाईचे संकेत

विरार : वसई-विरार महापालिका (Vasai-virar municipal) हद्दीतील अनधिकृत बांधकामांचा (illegal construction) मुद्दा न्यायालयात गाजत असताना पालिका आयुक्त म्हणून पदभार स्वीकारलेल्या अनिलकुमार पवार यांनी अनधिकृत बांधकामांबाबत हयगय न करण्याचे संकेत दिले आहेत. पालिका हद्दीत मोठ्या प्रमाणात झालेल्या अनधिकृत बांधकामांचा मुद्दा न्यायालयात चांगलाच गाजला आहे. (illegal construction in vasai-virar strict action order commissioner anilkumar pawar)

त्यात कोरोना काळात अनधिकृत बांधकामे हजारोंच्या संख्येने झाली. पालिका क्षेत्रात १२ हजार अनधिकृत बांधकामे झाली असताना केवळ नऊ हजार बांधकामेच झाल्याची दिशाभूल करणारी माहिती पालिका प्रशासनाने उच्च न्यायालयाला दिली होती.

त्यानंतर आयुक्त गंगाथरन डी. यांची बदली झाल्यानंतर त्यांच्या जागी नव्याने रुजू झालेले अनिलकुमार पवार यांनी मात्र अनधिकृत बांधकामांची गय न करता ॲक्शन प्लॅन तयार करून पोलिसांच्या मदतीने कारवाई करणार असल्याचे संकेत दिले आहेत.