यंत्रमाग उद्योगाचा समस्यांचा अभ्यास

मालाड, ता. ४ (बातमीदार) ः राज्यातील यंत्रमागधारकांच्या समस्यांचा अभ्यास करून त्यावर उपाययोजना शोधण्यासाठी वस्त्रोद्योग क्षेत्रातील तज्ज्ञ व्यक्तींची समिती स्थापन करण्यात आली असून २७ अश्वशक्तीपेक्षा जास्त जोडभार असणाऱ्या वस्त्रोद्योग प्रकल्पांना वीजदर सवलतीसाठी अनिवार्य करण्यात आलेली ऑनलाईन अर्ज प्रणाली सुलभ करण्यासंदर्भातदेखील ही समिती शासनास उपाययोजना सुचविणार आहे. ही समिती ३० दिवसांत शासनास अहवाल सादर करेल, अशी माहिती राज्याचे वस्त्रोद्योग मंत्री अस्लम शेख यांनी शुक्रवारी दिली. नवे वस्त्रोद्योग धोरण वातानुकूलित दालनांमध्ये बसून ठरवले जाणार नाही. या क्षेत्रातील तज्ज्ञ व या व्यवसायाशी निगडित व्यक्तींच्या सूचना व अभिप्राय विचारात घेऊनच नवीन धोरण ठरविले जाईल. त्यामुळे नवीन वस्त्रोद्योग धोरण या क्षेत्राला नवीन दिशा व ऊर्जितावस्था देणारे ठरेल, असा विश्वास मंत्री अस्लम शेख यांनी या वेळी व्यक्त केला आहे. ...