हिजाबला राजकीय रंग नको; ऑल इंडिया उलमा बोर्डाचे आवाहन

मुंबादेवी : मुस्लिम महिलांच्या (Muslim women) स्वाभिमानासाठी हिजाब महत्त्वाचा आहे. त्याला राजकीय रंग (Hijab Controversy) देऊ नये, असे आवाहन ऑल इंडिया उलमा बोर्डच्या (All india ulema Board) वतीने मुंबईत एका कार्यक्रमात करण्यात आले. मुस्लिम बांधव नेहमीच देशाच्या उत्कर्षात सहभागी होत आले आहेत. शाळा, महाविद्यालयाच्या विद्यार्थिनी हिजाब, बुरखा परिधान केल्यास शिक्षणात अडथळा येऊ शकत नाही तर हिजाब, बुरखामुळे मुस्लिम मुली सुरक्षित राहतात. आज देशभरात हिजाब विरुद्ध वातावरण तापविले जात आहे.

उत्तर प्रदेश, पंजाब आणि गोव्यातील निवडणुका समोर ठेऊन हिजाबला राजकीय रंग देण्यात आला आहे, असा सूर काढण्यात आला. आम्ही या हिजाबसाठी सामाजिक, कायदेशीर आणि राजकीय लढाई लढू असा विश्वास मुस्लिम धर्मियांप्रति व्यक्त करण्यात आला. या कार्यक्रमास मौलाना सिद्दीकी, शमशुल सय्यद अली, अल्लामा हाशमी, मौलाना नदमी, हाजी शेख, शेख इकबाल, मौलाना जैदी, शमीम हसनी, शाहिदा दरबार, नसीम मिट्ठा, सरक सिराज उपस्थित होते.