मुंबई : दादरमध्ये पालिकेचे मास्कबद्दल धोरण काय ?

धारावी : कोरोनामुळे (corona) तोंडावर मास्क लावणे शासनाने बंधनकारक केले आहे. मात्र दादरमध्ये याबाबत पालिकेचे (bmc) नेमके धोरण काय आहे, असा प्रश्न नागरिकांना पडला आहे. पश्चिम व मध्य रेल्वेच्या दादर स्थानकाजवळ (Dadar station) पूर्वेला नागरिकांच्या तोंडावर मास्क (Mask) नसेल, तर दंड वसूल केला जात आहे; मात्र स्थानकाच्या पश्चिमेला कारवाई होत नाही.

यामुळे मास्कबद्दल पालिकेने दुहेरी धोरण आखले आहे का, असा सवाल निर्माण होत आहे. स्थानकाबाहेरील पूर्वेच्या दिशेचा भाग पालिकेच्या फ/ उत्तर विभागात मोडतो, तर पश्चिमेचा भाग हा ग/ उत्तर विभागात मोडतो. दोन्ही विभाग महापालिकेच्या अंतर्गत येतात; तर मग हा दुजाभाव का केला जात आहे, असा प्रश्न विचारला जात आहे.