Accident: काशीद खिंडीतील अपघातात एक ठार; जाणून घ्या नक्की काय झालं?

Accident: अलिबाग-मुरूड मार्गावरील काशीद खिंडीत झालेल्या कार अपघातात एकाचा मृत्यू झाला तर तीन जण जखमी झाले आहेत.

मुंबई येथून मंदार नरेश मोटकर, साईनाथ कोडीवाला, हेमंत मिश्रा, सुनील गायकर हे मुंबई येथे ओला टॅक्सी चालक मित्र असून हे कार घेऊन फिरण्यासाठी मंगळवार (ता. २३) मुरूडला आले होते. दुपारी एक वाजता काशीद खिंडीतील बापूजी देवस्थान ते यू टर्नदरम्यान असणाऱ्या उतारावर चालकाचे कारवरील नियंत्रण सुटल्याने अपघात झाला.

अपघातात मंदार नरेश मोटकर (रा. -मुंबई, मूळ रत्नागिरी) याचा जागीच मृत्यू झाला तर साईनाथ कोडीवाला, हेमंत मिश्रा, सुनील गायकर जखमी झाले आहेत. त्यांना उपचारासाठी अलिबाग जिल्हा रुग्णालयात दाखल करण्यात आले आहेत.