शिवसेना भवन ला उद्धव ठाकरे करणार ध्वजारोहन : शिवसैनिकांना भावनिक आवाहन ,

उद्धव ठाकरे करणार
सेना भवनात ध्वजवंदन
मुंबई, ता. १४ : शिवसेनेचे नेते उद्धव ठाकरे यांच्या हस्ते मंगळवारी (ता. १५) शिवसेना भवनात ध्वजवंदन करण्यात येणार आहे. त्यानिमित्त सर्व पदाधिकारी आणि शिवसैनिकांनी मोठ्या संख्येने उपस्थित राहावे यासाठी स्वतः उद्धव ठाकरे यांनी भावनिक आवाहन केले आहे.
शिवसेनेतील ध्वजवंदनप्रसंगी पक्षाचे नेते आणि आमदार आदित्य ठाकरे उपस्थित राहणार आहेत. उद्धव यांच्या पत्नी रश्मी ठाकरेही उपस्थित राहण्याची शक्यता आहे. ध्वजवंदन सोहळ्यास मुंबईतील सर्व नेते, उपनेते, विभागप्रमुख, लोकप्रतिनिधी, अन्य पदाधिकारी आणि शिवसैनिकांनी उपस्थित राहावे, असे आवाहन करण्यात आल्याची माहिती शिवसेना मध्यवर्ती कार्यालयातून देण्यात आली.