Maharashtra Politics: महाविकास आघाडीच्या बैठकीत ठोस निर्णय नाही

Mumbai News: महाविकास आघाडीची आज लोकसभेच्या जागावाटपाबाबत बैठक झाली. या बैठकीस वंचित बहुजन आघाडीचे नेते ॲड. प्रकाश आंबेडकर उपस्थित होते; मात्र या बैठकीत ठोस निर्णय झाला नसल्याची माहिती वंचितचे प्रवक्ते सिद्धार्थ मोकळे यांनी दिली.

तसेच जागावाटपाबाबत पुढील आठवड्यात पुन्हा बैठक होणार असल्याचे त्यांनी सांगितले. या बैठकीत मराठा आरक्षणाचे नेतृत्व करणारे मनोज जरांगे पाटील यांच्याबाबतची भूमिका विचारण्यात आली होती. मात्र, त्यावरही आघाडीकडून काही चर्चा झाली नसल्याचे त्यांनी सांगितले.(mahavikas aghadi seat Shareing )

‘वंचित’कडून पाच जागांची मागणी

बैठकीत प्रकाश आंबेडकर यांनी अकोला, दिंडोरी, अमरावती, सोलापूर, रामटेक या पाच जागांची मागणी केली असल्याचे सांगण्यात येत आहे; तर महाविकास आघाडीकडून वंचितला दोन जागा देण्याबाबत एकमत झाले आहे. त्यात आणखीन एका जागेची भर पडू शकते, असेही सांगण्यात येत आहे.(mumbai news )