Mumbai 93 Bomb Blast: आबू सालेमची तुरुंगवासाची शिक्षा होणार कमी? न्यायालयाने दिली परवानगी!

Mumbai Bomb Blast: १९९३ च्या साखळी बॉम्बस्फोट खटल्यात जन्मठेपेची शिक्षा भोगत असलेल्या अबू सालेम याने विशेष सत्र न्यायालयात अर्ज केला आहे. खटल्याच्या सुनावणीदरम्यान अटकेच्या कालावधीऐवजी तुरुंगवासाची शिक्षा कमी करण्यास विशेष सत्र न्यायालयाने परवानगी दिली.

मुंबई साखळी बॉम्बस्फोट प्रकरणात अबू सालेमला न्यायालयाने जन्मठेपेची शिक्षा ठोठावली आहे. सालेम सध्या नवी मुंबईतल्या तळोजा कारागृहात शिक्षा भोगत असून अटकेच्या तारखेपासून ११ नोव्हेंबर २००५ ते ७ सप्टेंबर २०१७ रोजी खटल्याचा अंतिम निकाल येईपर्यंत तुरुंगात घालवलेल्या कालावधी विचारात घ्यावा, यासाठी न्यायालयात अर्ज दाखल केला होता. या याचिकेवर विशेष न्यायाधीश बी. डी. शेळके यांनी कारागृह अधीक्षकांना मुंबई साखळी बॉम्बस्फोट खटल्यादरम्यान आरोपीने तुरुंगात घालवलेला कालावधी विचारात घ्यावा, असे निर्देश दिले.