Mumbai Crime: ओव्हरटेक करण्यावरून वाद..रिक्षा चालकांच्या मारहाणीत मनसे कार्यकर्त्याचा मृत्यू

मुंबई, ता.१३ : रिक्षा चालकांनी केलेल्या मारहाणीत महाराष्ट्र नवनिर्माण सेनेच्या कार्यकर्त्याचा मृत्यू झाला. आकाश माईन मृताचे नाव असून शनिवारी (ता.१२) मालाड येथे त्याचा रिक्षा चालक अविनाश कदम याच्यासोबत ओव्हरटेक करण्यावरून वाद झाला होता. कदम याने अन्य रिक्षाचालक आणि मित्रांना गोळा करून आकाश यास बेदम मारहाण केली. यावेळी आकाशच्या पत्नीने जखमी अवस्थेत त्याला रुग्णालयात दाखल केले. मात्र उपचार दरम्यान त्याचा मृत्यू झाला. या प्रकरणी दिंडोशी पोलिसांनी हत्येचा गुन्हा नोंदवत आरोपी अविनाश याला अटक केली असून अन्य आरोपींचा शोध सुरू असल्याचे पोलिसांनी सांगितले.