कर्तव्यावरील पोलिसाचा हृदयविकाराच्या धक्क्याने मृत्यू

मुंबई, ता. २७ : पोलिस वाहनावर कार्यरत असताना हृदयविकाराच्या धक्क्याने पोलिस शिपायाचा मृत्यू झाल्याची घटना रविवारी (ता. २६) मुलुंड येथे घडली. रामा महाले (४८) असे शिपायाचे नाव असून, ते मुलुंड पोलिस ठाण्यात मोबाईल वाहनावर चालक म्हणून कार्यरत होते. रविवारी मुलुंड परिसरात गस्त घालत असताना अचानक त्यांच्या छातीत दुखू लागले आणि त्यांना उलटी झाली. सहकाऱ्यांनी तात्काळ त्यांना परिसरातील अगरवाल रुग्णालयात दाखल केले. तेथे उपचार सुरू असताना त्यांना हृदयविकाराचा झटका आला आणि त्यांचा मृत्यू झाला.