दर्शन सोलंकी प्रकरणात एसआयटीकडून कटर जप्त

मुंबई, ता. १२ : दर्शन सोळंकी आत्महत्या प्रकरणात मुंबई पोलिसांच्या एसआयटी पथकाने बुधवारी आरोपी अरमान खत्रीच्या खोलीतून कटर जप्त केला आहे. अरमानने या कटरचा वापर दर्शन सोळंकीला धमकावण्यासाठी केला असल्याचा आरोप आहे. पोलिसांना दिलेल्या जबाबात एका विद्यार्थ्याने म्हटले आहे की, जेव्हा तो विद्यार्थी ११ फेब्रुवारीला दर्शनला भेटला तेव्हा दर्शनने त्याला त्याच्यासोबत मैत्री न ठेवण्याचा व तिथून निघून जाण्याचा सल्ला दिला; अन्यथा अरमान खत्री त्या विद्यार्थ्यालादेखील इजा करेल, असे सांगितले होते.