मालवणीत शासनाच्या जागेवरील झोपड्या हटवल्या..

मालवणीत अनधिकृत झोपड्यांवर कारवाई
मालाड, ता. १ (बातमीदार) ः मालवणीतील अंबोजवाडी परिसरातील अनधिकृत झोपड्या आज जिल्हाधिकारी अतिक्रमणविरोधी विभागाच्या वतीने जमीनदोस्त करण्यात आल्या. अंबोजवाडीतील कारगिल रोडवरील शासनाच्या भूखंडावर जवळपास दोनशे झोपड्या उभारण्यात आल्या होत्या. आजच्या कारवाईत त्या हटवण्यात आल्या. उपजिल्हाधिकारी तनुजा वडनेरे यांच्या नेतृत्वाखाली कारवाई करण्यात आली. जिल्हाधिकारी कार्यालयातील अधिकारी-कर्मचाऱ्यांसह पोलिसही कारवाईत सहभागी झाले होते.