Mumbai : समाजमंदिरात चक्क डान्स क्लासेसचा व्यावसायिक वापर होत असल्याने समाजमंदिर सील

Mumbai - उल्हासनगर महापालिकेच्या समाजमंदिरात चक्क डान्स क्लासेसचा व्यावसायिक वापर होत असल्याचा प्रकार राष्ट्रवादीचे महासचिव अजित माखिजानी यांनी समाज माध्यमावर व्हायरल करताच हे समाजमंदिर सुट्टीचा दिवस असतानाही सील करण्यात आले आहे.

पॅनल नंबर ६ मध्ये भाजपचे माजी नगरसेवक महेश सुखरामानी यांच्या प्रयत्नाने महापालिकेने माता मंजू देवी समाजमंदिर बांधले होते.

मात्र अलीकडे या समाजमंदिरात डान्स क्लासेस भरत असून त्याचा व्यावसायिक वापर करण्यात येत असल्याचा प्रकार अजित माखिजानी यांच्या निदर्शनास आला. त्यांनी याबाबत समाज माध्यमावर पोस्ट केली होती. या प्रकाराची तात्काळ दखल घेऊन महापालिकेने हे समाजमंदिर सील केले आहे.