ऐरोलीत भरदिवसा लाखोंची घरफोडी

नवी मुंबई, ता.३१(वार्ताहर): ऐरोली सेक्टर-९ डी मधील गणेश अपार्टमेंटमध्ये भरदिवसा घरफोडी करून ३ लाख ६० हजार रुपये किमतीचा ऐवज चोरला आहे. या प्रकरणी रबाळे पोलिसांनी घरफोडीचा गुन्हा दाखल केला आहे.
ऐरोली सेक्टर-९ डी मधील गणेश अपार्टमेंटमध्ये लोकेशकुमार गुप्ता कुटुंबासह राहण्यास आहेत. २८ जुलै रोजी सकाळी लोकेशकुमार व त्यांची पत्नी दोघे कामावर निघुन गेल्याने त्यांचे घर बंद होते. दरम्यान, अज्ञात चोरट्यांनी त्यांच्या घराचा कडी-कोयंडा तोडून त्यांच्या घरातील रोख रक्कमेसह वेगवेगळ्या प्रकारचे सोन्याचे दागिने असा ३ लाख ६० हजार रुपये किमतीचा ऐवज चोरुन नेला आहे. लोकेशकुमार कामावरून आपल्या घरी आले असता, त्यांच्या घराचा कडी कोयंडा तुटल्याचे निदर्शनास आले. त्यानंतर रबाळे पोलिस ठाण्यात तक्रार दाखल केली आहे.