Mumbai Crime: धारावीत ११ वर्षीय अल्पवयीन मुलीचा विनयभंग

Mumbai Crime: दिवसेंदिवस महिलांच्या सुरक्षिततेचा मुद्दा ऐरणीवर येत आहे. असाच एक प्रकार धारावीत घडला आहे. येथील सोशलनगर येथील एका ११ वर्षीय अल्पवयीन मुलीचा विनयभंग करून आरोपी फरार झाला आहे. पोलिस त्याचा शोध घेत आहेत. पीडित मुलगी आपल्या विभागातील सार्वजनिक महिला शौचालयाच्या कट्ट्यावर बसली होती. त्या वेळेस आरोपीने तिची छेड काढून तिला जवळ ओढून तिच्या खासगी जागेस लज्जास्पद पद्धतीने हात लाऊन पीडितेचा विनयभंग केला.

पोलिसांनी दिलेल्या माहितीनुसार, २५ आणि २६ डिसेंबर रोजी सकाळी पीडित मुलगी तिच्या घराबाहेर एका कट्ट्यावर बसली होती. तेव्हा परिसरातील कुप्पा वडीवेल देवेंद्र ऊर्फ दर्पण याने अल्पवयीन मुलीचा हात पकडून तिला जवळ ओढून तिचा विनयभंग करण्याचा प्रयत्न केला. तसेच तिच्या घरापासून नुरूलहुदा मस्जिदपर्यंत पाठलाग करून तिची छेड काढत होता. याची तक्रार पोलिसांत पीडितेच्या आईने केली. पोलिसांनी तातडीने आरोपीविरोधात गुन्हा नोंद केला आहे.