Accident News: मेंढवण येथे अपघातात दोघे जखमी

Accident News: मुंबई-अहमदाबाद महामार्गावरून गुजरातच्या दिशेने जाणाऱ्या कारला मेंढवण खिंडीत झालेल्या अपघातात दोघे जखमी झाले. तीव्र वळण आणि उताराचा अंदाज न आल्यामुळे नियंत्रण सुटून कार दुभाजकाला धडकली.

या अपघातात गाडीचे मोठे नुकसान झाले आहे. जखमींना कासा येथील उपजिल्हा रुग्णालयात दाखल करण्यात आले आहे. दोघांची प्रकृती स्थिर आहे. अपघातानंतर महामार्गावर अर्धा तास वाहतूक कोंडी झाली होती. महामार्ग पोलिसांनी अपघातग्रस्त कार क्रेनच्या साह्याने बाजूला करून वाहतूककोंडी दूर केली.