Mumbai Politics: रेसकोर्सच्या जागेचे विभाजन होवू देणार नाही; आदित्य ठाकरेंचा दावा

Mumbai Politics: आम्ही रेसकोर्सच्या जमिनीचे विभाजन होऊ देणार नाही आणि असे विभाजन करणे खपवून घेणार नाही. या प्रस्तावाला राज्य सरकारने संमती दिल्यास आम्ही विरोध करू. शहरातील मोकळ्या जागांबाबत बोलण्याचा अधिकार कोणालाही नाही, असे शिवसेना नेते आमदार आदित्य ठाकरे यांनी म्हटले आहे.

रेसकोर्स व्यवस्थापनाने संपूर्ण जागेसाठी लीजचे नूतनीकरण करणे आवश्यक आहे. अविभाजित, फक्त त्याची संपूर्ण देय रक्कम आणि दंड एकाच वेळी भरणे आवश्यक आहे. गेल्या दशकातील इव्हेंटमधून मिळालेल्या सर्व कमाईचे उत्तर द्यावे लागेल, असेही त्यांनी म्हटले आहे. कोस्टल रोडला १५०० हून अधिक वाहनांसाठी भूमिगत कार पार्किंग आहे.

त्यामुळे रेसकोर्सच्या जागेत आम्ही भूमिगत पार्किंग होऊ देणार नाही. ठेकेदारांचे समर्थन करणाऱ्या महापालिका आयुक्तांना तसा निर्णय घेऊ देणार नाही, असा इशारा आदित्य ठाकरे यांनी दिला आहे. आम्हाला रेसकोर्सच्या जमिनीवर कोणत्याही बांधकामासह थीम पार्कची गरज नाही. आम्ही मुख्यमंत्र्यांच्या कॉन्ट्रॅक्टर मित्रांसाठी त्याच्या भूमिगत कार पार्कची परवानगीदेखील देणार नसल्याचे आदित्य ठाकरे यांनी सांगितले.