Thane Crime: मुंब्य्रात २२ किलो गांजा जप्त

Thane Crime: मुंब्रा परिसरात गांजाविक्रीसाठी आलेल्या एकाला अटक झाली आहे. रहमत तमिज खान (वय ३३) या व्यक्तीला अमली पदार्थविरोधी पथकाने गुरुवारी रात्री अटक केली आहे.

त्याच्याकडून २२ किलो गांज्यासह दोन मोबाईल, कार असा पाच लाख पाच हजारांचा मुद्देमाल जप्त केला आहे. मुंब्रा पोलिस ठाण्याचे वरिष्‍ठ पोलिस निरीक्षक निवृत्ती कोल्हटकर यांच्या मार्गदर्शनाखाली सापळा लावून ही कारवाई करण्यात आली. त्याच्यावर गुन्हा दाखल करून त्याला अटक केली आहे.