Bhiwandi News: पालिकेची धडक कारवाई; एकाच परिसरातून जप्त केले चारशे किलो प्लास्टिक

पालिका आयुक्त अजय वैद्य यांनी शहरातील स्वच्छता मोहिमेवर विशेष लक्ष केंद्रित केलेले आहे. स्वच्छता मोहीम, शहर सफाईचा एक भाग म्हणून सिंगल युज प्लास्टिक नियंत्रण व कारवाई करण्यात येत आहे.

पालिकेच्या पथकाने प्रभाग समिती क्रमांक ५ मधील कार्यक्षेत्रात सिंगल युज प्लास्टिक विक्री व वापर करणाऱ्या दुकानांवर धाडी टाकून एकूण ४०० किलो प्लास्टिक जप्त केले. तसेच एकूण तीस हजारांचा दंड वसूल केला आहे.

सहायक आयुक्त फैसल तातली, आरोग्य अधिकारी हेमंत गुळवी, प्रभाग आरोग्य निरीक्षक शशिकांत घाडगे, आरोग्य रूपेश गायकवाड व सर्व मुकादम यांनी ही धडक कारवाई केली.

व्यापारी, दुकानदार, फेरीवाले तसेच नागरिकांनी सिंगल युज प्लास्टिकचा वापर करू नये, तसेच पहिल्या तीन वेळेस दंडात्मक कारवाई व त्यानंतर कायदेशीर कारवाई करण्यात येईल, असा सक्त इशारा पालिका आयुक्त अजय वैद्य यांनी दिला आहे.