Navi Mumbai Crime: बंद घरातून चोरट्यांनी चोरला तब्बल इतक्या लाखांचा मुद्देमाल

सेक्टर-१९ मधील सिद्धिविनायक सोसायटीमध्ये गुरुवारी दुपारी सव्वादोन ते सव्वापाच वाजण्याच्या दरम्यान एका बंद घरातील सोने-चांदीचे दागिने व रोकड चोरट्यांनी लंपास केली.

संदीप पटेल यांच्या घरात ही चोरी झाली असून पटेल यांनी खारघर पोलिसांना दिलेल्या तक्रारीनुसार घरात कोणीही नसताना दुपारी चोरट्यांनी घराच्या सुरक्षा दरवाजाची कडी तोडून घरात प्रवेश केला.

त्यानंतर कपाटातील सोने-चांदीचे दागिने व रोख रक्कम असा पावणेचार लाख रुपयांचा मुद्देमाल चोरट्यांनी लंपास केला. दरम्यान, आरोपींना शोधण्यासाठी खारघर पोलिस ठाण्याचे वरिष्ठ पोलिस निरीक्षक राजीव शेजवळ यांनी एक पथक नेमले आहे.