कांदिवली गावठाणात महिलांचा हळदी कुंकू

कांदिवली गावठाणात महिलांचा हळदी कुंकू
- अभिनेत्री वर्षा ऊसगावकरची उपस्‍थिती
कांदिवली, ता. १७ (बातमीदार) ः कांदिवली गावठाण येथील श्री साई सेवा मंडळाच्या वतीने नुकताच हळदी कुंकू समारंभाचे आयोजन केले होते. या प्रसंगी सुप्रसिद्ध अभिनेत्री वर्षा उसगावकर या प्रमुख पाहुण्या म्‍हणून उपस्‍थित असल्‍याने आपल्‍या आवडत्‍या अभिनेत्रीला पाहण्यासाठी महिलांनी गर्दी केली होती. अनेक महिलांना वर्षा उसगावकर यांच्यासोबत फोटो, सेल्‍फी काढण्याचा मोह आवरता आला नाही. एरव्ही वाण घेऊन घरी जाणाऱ्या महिला दोन ते तीन तास समारंभाच्या ठिकाणी हजर होत्‍या. श्री साई मंडळाचे अध्यक्ष सामाजसेवक आशिष अरुण पाटील यांच्याकडून महिलांसाठी विविध उपक्रम राबवले जातात. बचत गट या विषयावर यावेळी महिलांना मार्गदर्शन करण्यात आले. वर्षा ऊसगावकर यांना वाण देऊन सन्मानित करण्यात आले.