Crime News: भावानेच केला भावावर हल्ला; कारण वाचून तुम्हाला बसेल धक्का!

Poladpur News: तालुक्यातील तुर्भे खुर्द गावातील जमिनीच्या जागेबाबतचा राग मनात धरत भावाने सख्ख्या भावावर लोखंडी रॉडने हल्ला करत मारहाण केल्याची घटना गुरुवारी (ता. २२) रात्री घडली. जखमी भावास मुंबईमध्ये उपचारासाठी हलवण्यात आले आहे.

मनोहर शंकर उतेकर (वय ६८), धंदा-शेती हे घराच्या बाजूकडील पडवीमध्ये ठेवलेल्या विटा पाहत होते. त्या वेळी त्याचे भाऊ सहदेव शंकर उतेकर यांनी मागील जागेच्या वादातून लोखंडी रॉड हातात घेत मनोहर यांच्या डोक्यावर, हातावर हल्ला करत जखमी केले. जखमी मनोहर यास नातेवाईकांनी पोलादपूर ग्रामीण रुग्णालयात नेले.

घटनास्थळी पोलादपूर पोलिस ठाण्याचे पोलिस निरीक्षक अनिल डी. जाधव यांनी तपासिक अंमलदार जागडे याच्यासमवेत पाहणी करत मनोहर यांनी दिलेल्या फिर्यादीनुसार गुन्हा दाखल केला.