Mumbai Metro: वडाळा-कासारवडवली मार्गासाठी ४२९७ कोटींची निविदा

वडाळा-कासारवडवली-गायमुख या मेट्रो चार मार्गावर अत्याधुनिक सिग्नल यंत्रणा, ट्रेन कंट्रोल सिस्टम, दूरसंचार यंत्रणा, प्लॅटफॉर्म स्क्रीन डोअर लावण्यात येणार आहे.

त्यासाठी ‘एमएमआरडीए’कडून तब्बल चार हजार २९७ कोटींची निविदा मागविण्यात आली आहे.(Mumbai Metro Latest News)

मेट्रो- ४ आणि ‘विस्तारित कॉरिडॉर ४-अ’चे काम वेगात सुरू आहे. त्यातच स्थानकांवर वेगवेगळ्या प्रकारच्या यंत्रणा उभारण्याचे काम हाती घेतले जाणार आहे. त्या पार्श्वभूमीवर आवश्यक ती यंत्रणा उभारण्यासाठी, त्याच्या चाचणी घेणे आणि देखभाल दुरुस्तीसाठी निविदा मागविण्यात आल्या आहेत.

मेट्रो ट्रेन चालवण्याच्या दृष्टीने महत्त्वपूर्ण असलेली हा यंत्रणा उभारण्यासाठी मे २०२४ पर्यंत या निविदा मागवल्या आहे.(Mumbai Metro News)