Watermelon Roha to Dubai: रोह्यातील शेतकऱ्याचा कलिंगड थेट दुबईला रवाना

रोहा, ता. २७ (बातमीदार) ः रोहा तालुक्यातील सांगडे गावचे शेतीनिष्ठ शेतकरी म्हणून सर्वपरिचित असलेले केशव खरिवले यांच्या कलिंगड पिकाला आंतरराष्ट्रीय बाजारपेठ मिळाली अाहे. त्यांनी पिकविलेली कलिंगडे थेट दुबईला रवाना झाली आहेत.

केशव खरिवले यांनी विकसित बियाण्यांचा वापर करून नवा प्रयोग केला. त्यांच्या या प्रयोगास यश मिळून कलिंगड पिकाचे उत्पादनही चांगले आले. याशिवाय फळेही आकाराने मोठी आली आहेत. कलिंगड पिकाचा दर्जा व मोठे फळ आल्याने मुंबईतील काही फळविक्रेते, तसेच व्यापाऱ्यांनी खरिवले यांच्या शेतीतील कलिंगडे खरेदी करणे पसंत केले.

मुंबईतील व्यापाऱ्यांनी दुबईतील व्यापाऱ्यांशी संपर्क साधला असता त्‍यांनी कलिंगडाचा दर्जा, चव आवडल्‍याचे सांगितले. पिकलेला सर्वच माल खरेदी करून खरिवले यांच्या कलिंगडाला थेट दुबईची बाजारपेठ उपलब्ध करून दिली.

विकसित बियाण्याचा वापर
शेती क्षेत्रात नेहमीच वेगवेगळ्या प्रकारचे प्रयोग करणारे केशव खरिवले यांनी यंदाच्या हंगामात तालुक्यातील घोसाळे येथे कलिंगड पिकाची शेती केली. विकसित बियाण्याचा वापर करून नवा प्रयोग केला.