Mumbai Crime: पोलिसांना मिळाली टीप अन् 'त्या' आठ परदेशी नागरिकांना झाली अटक!

Mumbai Crime: उत्तन येथे वास्तव्याला असलेल्या म्यानमार देशातील आठ नागरिकांना पोलिसांनी ताब्यात घेतले आहे. उत्तन सागरी पोलिस ठाण्याच्या हद्दीत काही जण बेकायदेशीररीत्या वास्तव्य करत असल्याची माहिती पोलिसांनी मिळाली होती.

त्यानुसार छापा टाकत चौक जेट्टी येथे काहीजण घोळक्याने उभे असल्याचे पोलिसांना दिसून आले. पोलिस दिसताच पळून जाण्याच्या तयारीत ते होते. मात्र त्यांना पोलिसांनी अडवून चौकशी केली असता ते म्यानमार देशाचे नागरिक असल्याचे आढळून आले. त्यांच्याकडे भारतात राहण्यासाठी आवश्यक असलेली कोणतीही कागदपत्रे नसल्याचे निष्पन्न झाले.

त्यामुळे त्यांच्याविरोधात गुन्हा दाखल करण्यात आला असून हे आठ जण उत्तन येथे का आले याचा तपास सुरु आहे असल्याची माहिती पोलिस उपायुक्त प्रकाश गायकवाड यांनी दिली. याप्रकरणी अधिक तपास उत्तन सागरी पोलिस ठाण्याचे उपनिरिक्षक कुणाल कुरेवाड करत आहेत.