Crime News: रेल्वे स्थानकावरील धक्कादायक प्रकार; आधी मोबाईल चोरला मग...

Raiway News: पत्नीशी फोनवरून निवांतपणे बोलणे पतीला चांगले महागात पडले आहे. कारण जबरीने फोन खेचून धूम ठोकणाऱ्या चोरट्याचा पाठलाग करताना एक तरुण चांगलाच जखमी झाला आहे.

नेरुळ स्थानकात हा प्रकार घडला असून पोलिसांनी आरोपीला अटक केली आहे.
खारकोपर ते नेरुळ असा लोकलने प्रवास करणारा इनामुल माजी हा गुरुवारी (ता. २९) रात्री साडे नऊच्या सुमारास नेरुळ रेल्वे स्थानकांच्या फलाट क्रमांक सहावरील बाकड्यावर बसून पत्नीशी मोबाईलवर बोलत होता.

फोनवर बोलत असताना इनामुलच्या पाठीमागून एक चोराने त्यांच्या हातातील मोबाईल फोन जबरीने खेचला होता. यावेळी इनामुलने चोराचा पाठलाग केला; पण चोराने इनामुलला मारहाण करण्यास सुरुवात केल्यामुळे इनामुलच्या कपाळावर जखम झाली होती.

यावेळी स्थानकावर उपस्थित असलेल्या पोलिसांनी इनामुलला तत्काळ रुग्णालयात उपचारासाठी नेले. तसेच स्थानकाच्या फलाट क्रमांक सहावरून राहुल चव्हाण नामक व्यक्तीला अटक केली आहे.