Navi Mumbai: आदित्य ठाकरे आज नवी मुंबईत; कोणावर साधणार निशाणा?

Vashi News: शिवसेना उद्धव बाळासाहेब ठाकरे गटाचे नेते आदित्य ठाकरे आज (ता. ४) नवी मुंबईच्या दौऱ्यावर आहेत. सीवूड, इंदिरानगर, घणसोली आणि ऐरोली येथील सभांमधून शिवसैनिकांना संबोधित करणार आहेत.

आदित्य ठाकरे यांच्या नवी मुंबई दौऱ्याला सायंकाळी ५ वाजता सुरुवात होणार आहे. सीवूड्स येथील सेक्टर ४८ मध्ये गायमुख चौकाशेजारी असलेल्या श्रीगणेश मैदानातील सभेला संबोधित केल्यानंतर तुर्भे एमआयडीसीमधील इंदिरानगर येथे शिवसैनिकांना मार्गदर्शन करणार आहेत. या सभेनंतर पोलिस चौकीच्या बाजूला असलेल्या मैदानात सायंकाळी साडेसहा वाजता सभा होणार आहे.

त्यानंतर घणसोली येथील सेक्टर ५मधील मनमोहन मिठाई चौकात सायंकाळी ७ वाजता आणि ऐरोली येथील सेक्टर ५ मधील सिद्धिविनायक मंदिराजवळ संत सावता माळी चौकात सायंकाळी साडेसात वाजता सभेतून या दौऱ्याची सांगता होणार असल्याची माहिती जिल्हाप्रमुख विठ्ठल मोरे यांनी दिली.