Crime News: चारित्र्याच्या संशयावरून पतीने केली पत्नीची हत्या

Kalyan News: चारित्र्याच्या संशयावरून पत्नीची हत्या केल्याची घटना कल्याण तालुक्यातील आन्हे भिसोळ गावात घडली. याप्रकरणी टिटवाळा पोलिसांनी पतीला अटक केली आहे.()

आन्हे भिसोळ गावात पत्नीसह राहणाऱ्या महेश मोहपे (वय ३२) याचे तीन वर्षांपूर्वी माही मोहपे (वय-२८) याच्याबरोबर लग्न झाले होते. लग्नानंतरच्या काही कालावधीतच महेश पत्नीच्या चारित्र्यावर संशय घेत होता.

तसेच पत्नीचे प्रेमसंबंध असल्याच्या संशयातून दोघांमध्ये भांडणेदेखील होत होती. याच कारणावरून गुरुवारी (ता. ७) दोघांमध्ये वादावादी झाल्याने रागाच्या भरात महेशने घरातच पत्नीचा गळा आवळून तिची हत्या केली होती. याप्रकरणी गुन्हा दाखल झाल्यानंतर टिटवाळा पोलिसांनी महेश याला अटक केली आहे.