Thane Metro News: कल्याण-तळोजा मेट्रोचे काम सुरु; लाखो लोकांना होणार फायदा

Kalyan Metro News: कल्याण-तळोजा १२ या मेट्रो प्रकल्पाच्या कामाला प्रत्यक्ष सुरुवात झाली आहे. कल्याण-शिळ मार्गावरील नवीन पलावा शेजारी असलेल्या भागात या प्रकल्पाचे पहिले पाईल ड्रील यशस्वीपणे करण्यात आले.

आठवड्याभरापूर्वी मुख्यमंत्री एकनाथ शिंदे यांच्या हस्ते कल्याण-तळोजा मेट्रो प्रकल्पाचे भूमिपूजन करण्यात आले होते. हा प्रकल्प पूर्ण झाल्यानंतर कल्याण-डोंबिवलीच नव्हेतर उल्हासनगर, अंबरनाथ, बदलापूर येथील लाखो लोकांना मोठा फायदा होणार आहे.

आरामदायी आणि वातानुकूलित प्रवासासोबतच लोकांच्या वेळेची आणि इंधनाचीही मोठी बचत होण्यास मदत होईल. या प्रकल्पामध्ये कल्याण ते तळोजा दरम्यान १९ उन्नत स्थानके असणार असून या स्थानकांच्या बांधकामासाठी एमएमआरडीएने एक हजार ५२१ कोटींची निविदाही काढली आहे.