Navi Mumbai News: आठ बांगलादेशींना बेलापुरातून अटक; विभागाला मिळालेली महत्वाची माहीती!

Navi Mumbai Crime: अनैतिक मानवी वाहतूक प्रतिबंध कक्षाने बेलापूर येथील शहाबाज गावातील इमारतीतून बेकायदा वास्तव्यास असलेल्या आठ बांगलादेशींना अटक केली आहे.

काही महिन्यांपासून त्यांचे नवी मुंबईत वास्तव्य असल्याचे तपासात उघड झाले आहे.
बेलापूरमधील शहाबाज गावामध्ये काही बांगलादेशी नागरिक बेकायदा वास्तव्य करत असल्याची माहिती अनैतिक मानवी वाहतूक प्रतिबंधक कक्षाला मिळाली होती.

या माहितीच्या आधारे पोलिसांच्या पथकाने सोमवारी (ता. १२) सकाळी दहाच्या सुमारास बेलापूर येथील शहाबाज गावातील सागर रेसिन्डसी इमारतीतील खोली क्रमांक ४०३ वर छापा मारला. यावेळी नसरीन अक्तर (२५) या महिलेकडे पासपोर्ट व व्हिसा असल्याचे आढळून आले.

मात्र, पायल कुद्रुस मलीक, रुबी काशम अली बेगम, कनिका बाबू शेख, राणी शब्बीर मुल्ला, हलीमा सलीम शेख, मोनिरुल सिद्धीकी शेख, सलीम कुका शेख, मासुद राजू राना यांच्याकडे कोणत्याही प्रकारची वैध कागदपत्रे नसल्याने एनआरआय पोलिस ठाण्यात भारतीय पासपोर्ट अधिनियम, तसेच विदेशी नागरिक अधिनियमानुसार गुन्हा दाखल केला आहे.