Nalasopara Murder News: दगडाने ठेचून ४० वर्षीय व्यक्तीची हत्या

Nalasopara News: विरारमध्ये ४० वर्षीय व्यक्तीची दगडाने ठेचून हत्या करण्यात आली आहे. याप्रकरणी विरार पोलिस ठाण्यात हत्येसह अन्य कलमान्वये गुन्हा दाखल असून हत्येचे कारण अद्याप स्पष्ट झालेले नाही.

मालाड परिसरातील विरार पूर्व नारंगी फाटक परिसरात राहणारे दीपक चव्हाण याची (वय ४०) विरार पूर्वेच्या नारंगी कोपरी कच्ची खदाण रोडवर दगडाने ठेचून निर्घृणपणे हत्या करण्यात आली आहे. शुक्रवारी (ता.१५) सकाळी याबाबतची माहिती मिळाल्यानंतर विरार पोलिस ठाण्याचे वरिष्ठ पोलिस निरीक्षक विजय पवार, सहाय्यक पोलिस आयुक्त रामचंद्र देशमुख, परिमंडळ ३ चे पोलिस उपायुक्त सुहास बावचे यांनी घटनास्थळाला भेट देत मृतदेहाची पाहणी केली. यावेळी मृतदेहाच्या तोंडावर, डोक्यात, छातीवर दगडाने ठेचल्याचे निशाण आहेत.