Accident: नैसर्गिक विधीसाठी सकाळी चालत होता..; कंटेनरच्या धडकेत तरुणाचा मृत्यू

Bhivandi News: नैसर्गिक विधीसाठी पायी चालत जाणाऱ्या तरुणाला कंटेनरने जोरदार धडक दिल्याची घटना भिवंडीतील कोपर गावात घडली आहे. या अपघातात तरुणाचा चाकाखाली चिरडून मृत्यू झाला आहे.

याप्रकरणी कंटेनर चालकाच्या विरोधात नारपोली पोलिस ठाण्यात गुन्हा दाखल केला आहे. रोहित रमेश जयस्वाल (२९) असे अपघातात मृत पावलेल्या तरुणाचे नाव आहे. या घटनेने परिसरातून हळहळ व्यक्त होत आहे. (Bhiwandi Accident News)

बुधवारी (ता. १३) सकाळी सहा वाजताच्या सुमारास तालुक्यातील कोपर येथील वेताळ मंदिराजवळील अरिहंत कॉम्प्लेक्सच्या गेटजवळून मयत रोहित नैसर्गिक विधीला जाण्यासाठी पायी चालत निघाला होता.

त्यावेळी कंटेनर क्र. (एमएच ४६ एआर २५२५) वरील चालकाने त्याच्या ताब्यातील कंटेनर वाहतुकीच्या नियमांकडे दुर्लक्ष करीत चालवून रोहितला जोरात धडक दिली. या धडकेत तो कंटेनरच्या मागच्या चाकाखाली चिरडला गेला.(Accidnet News)

अतिरिक्तस्रावाने त्याचा जागीच तडफडून मृत्यू झाला. या अपघातानंतर कंटेनरचालक फरार झाला आहे. तर या घटनेची माहिती मिळताच नारपोली पोलिसांनी घटनास्थळी धाव घेत मृतदेह इंदिरा गांधी उपजिल्हा रुग्णालयात शवविच्छेदनाकरिता पाठवला आहे.(bhiwandi Latest News)

या अपघातप्रकरणी मयत रोहितचे वडील सुरेश जयस्वाल यांच्या फिर्यादीवरून कंटेनरचालकाच्या विरोधात नारपोली पोलिसांनी गुन्हा दाखल करून चालकाचा शोध सुरू केला आहे. पुढील तपास सहायक पोलिस निरीक्षक विकास राऊत करीत आहेत.