Railway News: यंदा होळीसाठी सोडण्यात येणाऱ्या विशेष गाड्या झाल्या रद्द!

Kokan Railway : अवघ्या काही दिवसांवर आलेल्या होळीनिमित्त कोकणात जाणाऱ्या चाकरमान्यांनी रेल्वे, एसटी आणि खासगी बसचे आरक्षण केले आहे. प्रवाशांच्या सोईसाठी मध्य, पश्चिम रेल्वेकडून होळी विशेष गाड्या सोडण्यात येतात; मात्र रेल्वे प्रशासनाने रोहा-चिपळूण मेमू रद्द केल्याने कोकणात जाणाऱ्या चाकरमान्यांची मोठी गैरसोय होणार आहे.

रेल्वे प्रशासनाने दिवा-रोहा-चिपळूण मेमू स्पेशल १५ मार्चपासून बंद केली आहे. यामुळे होळीनिमित्त माणगाव, महाड, खेड, चिपळूण, दापोली, मंडणगड, पोलादपूर, श्रीवर्धन, म्हसळा, गुहागर तालुक्यांतून कोकणात जाणाऱ्या प्रवाशांची गैरसोय होणार आहे.()

त्यामुळे सणानिमित्त होणाऱ्या गर्दीची तीव्रता लक्षात घेता दादर-चिपळूणदरम्यान विशेष गाडी तातडीने घोषित करावी, अशी मागणी कोकण विकास समितीने रेल्वे मंत्री, रेल्वे बोर्ड, मध्य रेल्वे, कोकण रेल्वे आणि लोकप्रतिनिधींकडे केली आहे.