Summer Holiday Train: उन्हाळी सुट्टी निमित्त रेल्वे चालवणार २६ जादा फेऱ्या

Railway News: उन्हाळी सुटीत गावी जाणाऱ्या रेल्वे प्रवाशांची अतिरिक्त गर्दी लक्षात घेऊन लोकमान्य टिळक टर्मिनस ते कानपूर दरम्यान धावणाऱ्या अतिजलद साप्ताहिक विशेष ट्रेनच्या २६ जादा फेऱ्या चालवण्याचा निर्णय मध्य रेल्वेने घेतला आहे. त्यामुळे मुंबई ते कानपूर जाणाऱ्या रेल्वे प्रवाशांना मोठा दिलासा मिळाला आहे.(mumbai news)

मध्य रेल्वेने दिलेल्या माहितीनुसार, ट्रेन क्रमांक ०४१५२ एलटीटी-कानपूर साप्ताहिक विशेष एक्स्प्रेस लोकमान्य टिळक टर्मिनस येथून ६ एप्रिल २०२४ ते २९ जून २०२४ या कालावधीत दर शनिवारी सायंकाळी ५.१५ वाजता सुटेल आणि दुसऱ्या दिवशी दुपारी ३.४५ वाजता कानपूर सेंट्रल येथे पोहोचेल.(holiday special trains)

तर ट्रेन क्रमांक ०४१५१ अतिजलद साप्ताहिक विशेष ट्रेन ५ मार्च २०२४ ते २८ जून २०२४ या कालावधीत दर शुक्रवारी कानपूर सेंट्रल येथून दुपारी ३.२५ वाजता सुटेल आणि दुसऱ्या दिवशी दुपारी २.५५ वाजता लोकमान्य टिळक टर्मिनस येथे पोचेल.

या विशेष गाड्यांना भुसावळ, इटारसी, जबलपूर, कटनी, सतना, प्रयागराज, भरवारी, सिराथू आणि फतेहपूर स्थानकांत थांबा असणार आहे. या अतिजलद साप्ताहिक विशेष ट्रेनचे आरक्षण भारतीय रेल्वेच्या सर्व संगणकीकृत आरक्षण केंद्रांवर आणि आयआरसीटीसीच्या संकेतस्थळावर सुरू करण्यात आले आहे.(summer speticial trains)