Ekanth Shinde: मुख्यमंत्र्यांचा काँग्रेसला अजून एक धक्का; सचिव संतोष काेळी शिंदे गटात

Malad Political News: अखिल भारतीय मच्छीमार काँग्रेसचे सचिव संतोष कोळी यांनी मुख्यमंत्री एकनाथ शिंदे यांच्या उपस्‍थितीत शिवसेनेत प्रवेश केला.

ऐन लोकसभा निवडणुकीच्या तोंडावर कोळी यांनी पक्ष सोडल्‍याने आमदार अस्लम शेख यांना धक्का बसल्याची चर्चा मालाडमध्ये रंगली आहे.

संतोष कोळी यांचा परिसरात दांडगा जनसंपर्क आहे. ते कोळी समाजाच्या अनेक संघटनांचे पदाधिकारी आहेत. शिंदेंनी संतोष कोळी यांच्यावर उपविभागप्रमुख पदाची जबाबदारी दिली आहे. मालाड पश्चिमचे काँग्रेसचे आमदार, माजी मंत्री अस्लम शेख यांचे निकटवर्तीय अशी संतोष कोळी यांची ओळख आहे.