Thane Crime: गरजू तरुणींकडून करुन घ्यायचा वेश्याव्यवसाय; पोलिसांनी केली अटक

Thane News: ठाणे स्टेशन परिसरातील एका हॉटेलमध्ये गरजू तरुणींकडून वेश्या व्यवसाय करून घेणाऱ्या एकाला गुन्हे शाखा विभागाच्या अनैतिक मानवी वाहतूक प्रतिबंध विभागाने अटक केली. तसेच तीन तरुणींची सुटका करण्यात आली आहे.

ठाणे पश्चिमेकडील हॉटेल विश्वासमध्ये वेश्याव्यवसाय चालवण्यात येत असल्याची माहिती अनैतिक मानवी वाहतूक प्रतिबंध विभागाला मिळाली होती.

या माहितीच्या आधारे पोलिसांच्या पथकाने गुरुवारी (ता. २१) दुपारी ठाकूर बिल्डिंगमधील हॉटेलवर छापा मारला होता. या कारवाईत पोलिसांनी आश्विन कदम (३२) याला अटक केली आहे. ठाणे नगर पोलिस ठाण्यात त्याच्यावर अनैतिक व्यवसाय चालवल्याप्रकरणी गुन्हा दाखल आहे.